O centenário

Celebramos o cem aniversário da escola irmandinha

O dia 23 de abril de 2024 a Escola de Ensino  Galego Semente promoveu -com a colaboraçom do Concelho da Corunha e o apoio de mais de dez coletivos sociais, culturais e educativos- a instalaçom dumha placa comemorativa na primeira sede da escola irmandinha, no nº 17 da Praça Maria Pita, atual Fundaçom Paideia.

O ato foi apresentado por Xurxo Souto, contou com a participaçom da Sra. Alcaidesa Inés Rei Garcia, do coordenador das Escolas de Ensino Galego Semente, Santiago Quiroga Garcia, do aluno da Semente Compostela, Tiago Abal, e do Catedrático de História da Educaçom, Antón Costa Rico.

A celebraçom foi acompanhada musicalmente pola agrupaçom de gaitas de Cántigas da Terra e contou com passeios dramatizados por parte do grupo Os Quinquilláns para as mais de cem crianças das escolas Semente que assistírom.

Reproduzir vídeo